Trygg vaksen = autoritativ vaksen

Kva betyr det å vere ein trygg vaksen for elevane? I utgangspunktet handlar det om å ha ein autoritativ veremåte/vaksenstil. Den autoritative læraren har kontroll i situasjonen og er samtidig varm i møte med elevane. Ein set grenser og følgjer opp reglar, men på ein måte som tek vare på eleven sin sjølvfølelse. Då vert elevane tryggare på læraren sin, dei vert tryggare på seg sjølve og på kvarandre. Den autoritative vaksenstilen har store fordelar for trivsel, læring og utvikling.

Dette er ikkje alltid like litt i praksis. Det er mange årsaker til at vaksne som er tett på barn og unge kan ty til både autoritære, forsømmande og ettergivande strategiar når situasjonar vert vanskelege å handtere. Sjølv om dei fleste veit at dei autoritative strategiane er dei som verkar best og har færrast biverknadar. Spesielt kan det vere fort gjort å ty til uhensiktsmessige strategiar når ein er utanfor toleransevinduet sitt. Når det skjer er det viktig å oppdage det. Legge merke til at det ikkje vart bra for barnet/ungdomen, og både reparerer relasjonen og forsøke å gjere noko med situasjonen slik at ein kan løyse det med autoritative strategiar neste gong.

Filmane vi har laga, og tilhøyrande personalkurs, er meint som eit bidrag for å styrke autoritative strategiar for alle som er saman med barn og unge i kvardagen sin.

Vi har laga ein plakat om å vere autoritativ vaksen. Første versjon var autoritativ lærar, men etter ønske frå skolane har vi endra til autoritativ vaksen for å dekke fleire i skolen enn lærarane. Skriv ut den de likar best og heng den ein plass de ser den av og til?

Vil du lære meir om autoritativ vaksenstil og det å vere ein trygg vaksen, foreslår vi å følgje desse lenkene:

Sist endra 21.11.2024 10.58