Forklaring til innhaldet i møtet: Instruksjonsark for møteleiar - nynorsk (PDF, 274 kB) eller Instruksjonsark for møteleder - bokmål (PDF, 276 kB)
Dette møtet bør ha ei tidsramme på om lag ein time, men kan vare inntil 90 minutt dersom skolen også skal informere om konkret bekymring. Foreldra bør få nok tid til å snakke med kvarandre om oppgåvene, og de bør oppsummere oppgåva der dei skal kome på idear til fellesaktivitetar for klassa og heimane.
Dersom de brukar dette møtet fordi de er bekymra for mobbing eller skadeleg gruppedynamikk i aktuell klasse, MÅ heimane få konkret informasjon om dette i forkant av møtet. Dersom foreldra får denne informasjonen for første gong i starten av møtet, risikerer de at dei prosesserer denne informasjonen undervegs i møtet, i staden for å kunne reflektere godt over innhaldet i temamøtet. Informasjon om konkret situasjon i forkant, og eventuelt også i starten av møtet, bør innehalde:
- Årsak til at de har invitert til dette møtet
- Konkret kva de er bekymra for (sjølvsagt utan å nemne enkeltelevar)
- Kva skolen har gjort til no for å handtere denne bekymringa
- Kva skolen har planlagt å gjere framover for å skape trygt og godt skolemiljø for alle
- Få fram at det er 3 partar som må dele ansvaret for å skape dette trygge miljøet: skolen, elevane og heimane. Møtet er eit av tiltaka skolen gjer for å jobbe med utfordringa
Som elles i temamøter frå Livet&Sånn har vi lagt opp til at lærar/møteleiar skal lede, men ikkje vere forelesar eller ekspert. De ser filmane saman, og foreldra får snakke med kvarandre i mindre grupper. Bortsett frå oppgåva om fellesaktivitetar, bør de ikkje oppsummere saman etter gruppene har snakka. Erfaringa vår tilseier at prosessane i mindre grupper oftast er god, men at plenumsdrøft kan bli komplisert når den som har laga opplegget ikkje er sjølv er der.
I utprøvinga av dette foreldremøtet sjekka vi om foreldra foretrakk å bli plassert i ferdiglaga grupper, eller snakke med dei som tilfeldigvis sat rundt seg. Fleirtalet ønska ikkje å bli plassert i grupper. Vi såg likevel at nokon vart sittande utan nokon å snakke med dersom vi ikkje greip inn og organiserte litt. Det er viktig at alle har nokon å snakke med. Kanskje er det dei som ikkje kjenner så mange som ville føretrekke organiserte grupper? Gjer ei vurdering om kva som blir best i dykkar gruppe, og følg opp slik at alle får ta del.