Her finn du eit instruksjonsark som forklarar meir korleis de brukar de som ligg under: Instruksjonsark for lærar - Gode vennskap som ikkje går ut over andre (PDF, 350 kB)
Innhaldet i desse grå boksene er meint som alternativ å supplere med, anten når ein jobbar med tema vennskap, eller når ein er bekymra for læringsmiljøet og jobbar spesifikt med dette. Noko av det som ligg her ligg også i timar om mobbing.
Ein av årsakene til at mobbing oppstår, er at barn og unge har behov for å kjenne at dei høyrer til og har venner. Når dette ikkje skjer på ein god måte, kan enkelte av dei ty til dårlegare måtar å sikre vennskap på som opplevast som mobbing og utestenging for dei det går ut over, utan at dette alltid er intensjonen til dei som gjer det. Innhaldet her handlar difor ein del om korleis ein kan få gode vennskap utan at det går ut over nokon andre. Dette kan lærast førebyggande, men det kan også vere nyttig når nokon skal endre ein meir etablert veremåte.
Til slutt ligg også eit løysingshjul med mange konkrete forslag til kva elevar kan seie og gjere når dei oppdagar at nokon plagar andre.