Dette temaet kan gi opplæring i folkehelse og livsmeistring innanfor faga kroppsøving og naturfag:

• I kroppsøving handlar det tverrfaglege temaet folkehelse og livsmeistring om å fremje god psykisk og fysisk helse og gi elevane verktøy til å ta ansvarlege livsval. Faget skal fremje eit positivt sjølvbilete som kan gi elevane ein trygg identitet. Faget skal medverke til at elevane får kunnskap om ulike perspektiv på bevegelsesaktivitetar og helse. Elevane skal òg lære å forvalte helse som ressurs på ein måte som gagnar den enkelte, og lære å ta val som er gode for eiga og andre si helse gjennom livet.
• I naturfag handler det tverrfaglige temaet folkehelse og livsmestring om å gi elevene kompetanse til å forstå sin egen kropp og ivareta sin egen fysiske og psykiske helse.

Det er juni og interessa for fagleg arbeid er nok ikkje på topp hos elevane. Aktivitet derimot, er noko mange er opne for. Vi har difor valt å ha fysisk aktivitet som tema i juni. I denne timen ligg der nokre filmar og små, enkle refleksjonsoppgåve. Men vi har ikkje laga ekstra oppgåver til temaet. Bruk eventuell tid på å vere i aktivitet!

Det du skal ha med til denne timen er:

• Instruksjonar for lærar - Aktivitet 8. trinn (PDF, 169 kB)
• Mitt døgn (PDF, 88 kB) – print ut ein til kvar dersom de ikkje gjorde denne oppgåva i november
• Eventuelt blanke ark til siste oppgåve

Det nærmar seg sommar og mange ungdommar er meir rastlause og har lyst å vere meir i aktivitet. Det er fint. I dette temaet lærer ungdommane at fysisk aktivitet kan påverke psykisk helse, læring og mykje anna. Sjå gjerne på timen til elevane, og støtt ungdomen din til å få til å vere fysisk aktiv. Kanskje er det til og med mogleg å vere aktiv i lag? Kva aktivitetar kan ungdommen din tenke seg å vere med på saman med deg?

Vi som jobbar med helse er opptatt av slike ting vi kan gjere i kvardagen som kan vere godt for helsa vår. Det kan vere kosthaldet vårt, kor mykje og korleis vi søv om natta, kva vi fyller dagane våre med og korleis vi bruker kroppen. 

Altfor mange elevar slit med smerter i hovud, mage og nakke. Kva dette kjem av veit vi ofte ikkje, men det er truleg at meir rørsle og mindre stillesitting ved pulten ville vore bra for dei. Som helsesjukepleiarar skulle vi gjerne sett at elevane var mykje meir i aktivitet. 

Kvardagsaktivitet og gjerne ein aktivitet i lag med andre kan vere godt for helsa. Frisk luft er viktig for den fysiske og psykiske helsa. Råd frå helsemyndigheitene er å vere i bevegelse minimum 30 til 60  minutt kvar dag og at vi skal få litt frisk luft kvar dag. Det gjer underverk for oss alle, ung som gammal.  

Det viktige er ikkje at alle er med på idrett. Det viktige er at alle får vere i aktivitet regelmessig. Gjerne til og frå skolen. Gjerne både i timar og i friminutt. Gjerne saman med andre, for det skaper glede og bygger relasjonar. Vi kan oppmuntre foreldre til å gjere noko saman med ungdommen, det kan til og med bli mange god samtalar ute i frisk luft og ved ein aktivitet.  

Nokre gongar har ungdommar utfordringar som hindrar aktivitet, eller det er ting som plagar ungdommen, som gjer at det ikkje er så lett å vere med på den aktiviteten ein ønsker. Alt dette er ikkje like lett å snakke med andre om. Kom gjerne til oss med tankar og bekymringar som hindrar deltaking i aktivitet! Vi kan vere med å finne gode løysingar og alternative aktivitetar saman. Eventuelt saman med støttetenester som fysioterapi/ergoterapi.