Temamøta frå Livet&Sånn kan kombinerast med møte ein elles skal ha med heimane i løpet av året. Vi anbefaler at møtet ikkje varer meir enn 60-90 minutt til saman. Om de kombinerer med informasjonsmøte så er det lurt å bruke dei siste 30-45 minutta til temadelen frå Livet&Sånn. Alternativt kan de invitere alle heimane på trinnet til felles tema-kveld.

• Skriv ut og ta med Instruksjonsark for møteleiar (PDF, 235 kB) for å vite korleis du skal bruke innhaldet i møtet!
• Vurder om du vil skrive ut brosjyrene i den grå boksa med familieferdigheiter
• Kjem det foreldre som enno ikkje kan norsk? Her finn du engelske oversettingar av innhaldet i filmar som du kan oversette til ønska språk gjennom google translate eller liknande.

Rolla di i møtet:

Vi har lagt opp til at lærar/møteleiar skal lede, men ikkje vere forelesar eller ekspert. De ser filmane saman, og foreldra får snakke med kvarandre i mindre grupper. Vi har i liten grad lagt opp til at de oppsummerer saman etter gruppene har snakka. Erfaringa vår tilseier at prosessane i mindre grupper oftast er god, men at plenumsdrøft kan bli komplisert når den som har laga opplegget ikkje er sjølv er der. Om det likevel skulle dukke opp spørsmål du ikkje kan svare på så vis til den grå boksa «Til heimane etter møtet» og sei at det også er mogleg å sende e-post direkte til Livet&Sånn. Spørsmål som handlar om konkrete barn kan til dømes drøftast med helsesjukepleiar på skolen.

Gode rammer for møtet

• Ta gjerne i mot foreldra i døra og ønsk velkomen.
• Sørg for at lyd og bilde er klart, og når ut til alle som skal sjå
• Om de skal kombinere møtet med val av FAU-representant, så prøv å finne kandidatar på førehand. Det er lettare for folk å stille til val etter personleg oppfordring, og de unngår ugrei stemning om ingen vil melde seg.

Under her ser du filmane og spørsmåla som vart brukt i foreldremøtet. Kanskje er det nyttig om fleire av dei som har omsorg for barnet ditt også ser desse? Og kanskje vil de også prate litt saman om dette heime?

Refleksjonsoppgåver som kan nyttast heime etter møtet

• Korleis prøver vi å forstå kva som ligg bak når ungdommen vår utfordrar oss med sin veremåte?
• Kan måten vi tolkar på påverke korleis vi møter ungdommen vår heime?
• Er det nokon av råda frå ungdom i filmen det ville vere bra om vi blei betre på?

Her kan du lære meir om temaet

Bruk sida Ungdom (bufdir.no) Her finner du videoar og små artiklar om dei fleste relevante tema for ungdomsforeldre. Blant anna desse:

• Hvordan hjelpe ungdom til å ha det bra? (bufdir.no)
• Forstå tenåringen - Foreldrehverdag.no - YouTube
• Søvn og tenåringer med Hedvig Montgomery | Foreldrehverdag - YouTube

Les gjerne også denne:

• Er du usikker på hvor mye du kan pushe barnet ditt, til det som oppleves skummelt eller kjedelig? - Foreldrelandsbyen

Husk at du kan ringe Foreldresupport - Mental Helse dersom du treng nokon å snakke med når noko er vanskeleg.