Til deg som skal bruke dette med barn

For temaet familie og mangfald har vi teikna 12 ulike familiar. Bilda kan brukast på fleire måtar og mellom anna til å lære om mangfald i familiar, i utsjånad, i kultur og i religionar og livssyn.

Om temaet familie og mangfald i rammeplanen

Under overskrifta barnehagens verdigrunnlag i Rammeplan for barnehagen (udir.no) står dette om Mangfold og gjensidig respekt:

«Barnehagen skal fremme respekt for menneskeverdet ved å synliggjøre, verdsette og fremme mangfold og gjensidig respekt. Barna skal få oppleve at det finnes mange måter å tenke, handle og leve på. Samtidig skal barnehagen gi felles erfaringer og synliggjøre verdien av fellesskap. Barnehagen skal vise hvordan alle kan lære av hverandre og fremme barnas nysgjerrighet og undring over likheter og forskjeller. Barnehagen skal bidra til at alle barn føler seg sett og anerkjent for den de er, og synliggjøre den enkeltes plass og verdi i fellesskapet.

Barnehagen skal bruke mangfold som en ressurs i det pedagogiske arbeidet og støtte, styrke og følge opp barna ut fra deres egne kulturelle og individuelle forutsetninger. Barnehagen skal synliggjøre variasjoner i verdier, religion og livssyn. Det skal være plass for en åndelig dimensjon i barnehagen som må brukes som utgangspunkt for dialog og respekt for mangfold.

Barnehagen skal legge til rette for kulturmøter, gi rom for barnas egen kulturskaping og bidra til at alle barn kan få oppleve glede og mestring i sosiale og kulturelle fellesskap. Barnehagen skal by på varierte impulser, opplevelser og erfaringer og omfatte lokale, nasjonale og internasjonale perspektiver. Barnehagen skal synliggjøre samisk kultur og bidra til at barna kan utvikle respekt og fellesskapsfølelse for det samiske mangfoldet. Barnehagen skal synliggjøre et mangfold i familieformer og sørge for at alle barn får sin familie speilet i barnehagen.»

Kvifor bruke dette materiellet med barna?

Litt forenkla sagt så er materiellet om Følelsar laga for å utvikle emosjonell kompetanse og Barnehagevenner for å utvikle sosial kompetanse, men kva er hensikta med temaet Familie og mangfald?

Det å oppleve å høyre til og passe å inn er svært viktig for god psykisk helse. Heilt frå babyar blir født samspelar dei aktivt med menneska rundt seg fordi tilknyting sikrar overleving og positiv utvikling. I alle flokkar vi vert ein del av vil vi kjempe for å passe inn, bli sett, likt og inkludert.

Vi menneska søker ofte det som er kjent, trygt og likt oss sjølve meir enn det som er annleis. Så sjølv om mangfald er ein viktig verdi i samfunnet vårt, er det likevel ikkje alltid lett å skilje seg ut frå majoriteten av gruppa.

Det er mange måtar å skilje seg ut på, og familiesamansetning er ei av dei. Kjernefamilien med to heterofile foreldre og felles barn som bur saman er framleis mest vanleg. Sjølv om variasjonen i enkelte barnehagar etter kvart er stor, kan barn likevel ha nytte av at det vert satt ord og bilde på at det å ha andre familieformar er akkurat like bra, og heilt greitt.

Rasisme er framleis noko vi må jobbe aktivt for å forhindre. Når ein er lys i huda kan ein med dei beste intensjonar gi uttrykk for at ein ikkje «ser» hudfargar og ikkje tenker over at menneske har ulike etniske opphav, eller høyrer til ulike religionar. Likevel er erfaringane til mange av dei som høyrer til minoritetsgrupper at dei blir møtt annleis på grunn av hudfarge, utanlandske namn eller synlege religiøse kjenneteikn. Difor kan det verke førebyggande å lære om mangfald allereie i barnehagen, sjølv om barna enno gjerne ikkje tenker over eller bryr seg om slikt.

Hovudhensikta med dette materiellet er å bygge gode haldningar og verdiar, eit medvite språk om det og dei som har andre kjenneteikn enn oss sjølve, for å førebygge mobbing og utanforskap.

I boksane under kan du lese forklaringar og tips om korleis materiellet kan brukast til å lære om ulike undertema:

Vi har ulike familiar

Frå rammeplanen:

«Barnehagen skal synliggjøre et mangfold i familieformer og sørge for at alle barn får sin familie speilet i barnehagen.»

Dei 12 familiane i materiellet her representerer mange ulike familieformar, men det er heilt sikkert fleire andre samansetningar representert i barnehagen. For å kunne spegle alle barn sine familiar er det lurt å la kvart barn få sin familie representert gjennom bilde, teikningar eller andre presentasjonar.

Når barn skal lære om ulike familieformar kan det vere fint å bruke nøytrale familiar som utgangspunkt. Når de til dømes brukar Vilja sin familie, som har to pappaer og ingen mamma, kan barna få stille masse spørsmål om dette utan at enkeltbarn i barnehagen opplever at det er deira eigne familiar det vert snakka om. Det kan gjere det mindre sårbart. Vi har laga nokre veldig korte historier om dei ulike barna som de kan bruke som utgangspunkt, men de står fritt til å dikte eigne historier, eller tilpasse etter behova i barnehagen.

Det kan vere lurt å ha mangfald i familieformar som tema med dei eldre barna i barnehagen, og då bruke alle dei 12 familiane og historiene om barna der. Då blir barna introdusert ikkje berre for ulike samansetningar av familiar, men også for mykje anna relevant i familiemangfaldet. Det er så mykje barn kan oppleve heime som krangling, skilsmisse, baby som dør i magen, få nye søsken og mykje meir. Det kan være fint å nemne desse tinga innimellom utan å gjere eit stort nummer av det. Livet inneheld mykje godt og mykje vondt, og det kan kome godt med å ha nokre felles referansar når barn eventuelt sjølve opplever ting som endrar kvardagen deira.

Livet&Sånn sine små historier er meint å vere eit lite bidrag for å jobbe med desse store temaene. Det er fint å bruke andre bøker, leikar, songar og teikningar i tillegg.

For dei yngste barna kan det være fint å bruke bilda mest, peike og snakke saman. Når teikninga av familiebildeveggen heng tilgjengeleg i barnhøgde kan barna også sjølv ta initiativ til å snakke om temaet.

Bruk gjerne bilde-rammene vi har laga og la barna teikne sin eigen og andre familiar dei kjenner i dei ulike rammene.

Ønskjer du å lære meir om mangfald i familieformar? Les gjerne lenkene under:

Hvordan snakke med barn om deres genetiske opphav - Helsenorge
Barn må gjenkjenne sin familieform i det barnehagen presenterer (utdanningsnytt.no)
Bildebøker for å synliggjøre familiemangfold i barnehagen (utdanningsforskning.no)
Barn og oppvekst - KUN (Her kan du også laste ned ein plakat med ulike familieformer)
Laget bok om familiemangfold: – Alle barn trenger å oppleve at de er representert i litteraturen (barnehage.no)

Vi ser ulike ut

Frå rammeplanen:

«Barnehagen skal vise hvordan alle kan lære av hverandre og fremme barnas nysgjerrighet og undring over likheter og forskjeller. Barnehagen skal bidra til at alle barn føler seg sett og anerkjent for den de er, og synliggjøre den enkeltes plass og verdi i fellesskapet.»
«Personalet skal gi barna like muligheter, fremme likestilling og motvirke diskriminering, fordommer, stereotypier og rasisme»

Blant familiemedlemmane på dei 12 bilda er veldig mange hud- og hårfargar og andre ulike utsjånadar representert. I historiene om dei utvalde barna handlar det også ein del om dette. Det er dessverre framleis ganske vanleg at barn opplever at andre barn (og vaksne) stirrar, spør og eller kommenterer korleis ein ser ut. Mange opplever at dette gjer vondt. Samtidig er barn små og må få sjansen til å lære kva som er greitt og ikkje. Då er det veldig fint å bruke nøytrale teikningar som dette for å lære om mangfald utan at det treng å handle om enkeltbarn i barnehagen.

Mange barn i barnehagen er ikkje opptatt av ulike hudfargar. Dei kan ha bestevenner med anna hudfarge utan å tenke over det. Andre barn legg merke til alt som skil seg ut frå det dei sjølv er mest vant med, og stiller direkte spørsmål om alt mogleg utan å tenke over at dette kan vere sårt for andre.

Det kan kjennest vanskeleg å vite korleis det er lurt å snakke om tema som rasisme eller ulike storleikar på kroppar i barnehagen. Om barna sjølv ikkje er opptatt av det kan det kjennest freistande å ikkje introdusere dette som tema. Samtidig veit vi at når barna vert eldre så møter veldig mange såre og krenkande kommentarar om utsjånad, og om det aldri har vore tema tenker barna kanskje heller ikkje over at det dei seier sårar andre.

Vi veit også at menneske i Noreg med mørkare hudfargar møter mykje meir rasisme enn vi har likt å tru. Difor er barnehagen ein god start for å bygge gode haldningar til mangfald.

Historia om Amelia sin familie kan brukast for å snakke om rasisme. Også Arjun, Noor, William, Alma og Erkke står i fare for å bli utsett for krenkande kommentarar og forskjellsbehandling på grunn av sine etniske opphav.
Historia om Noah kan brukast til å snakke om ulike storleikar på kropp. Mange har nedlatande haldningar til overvektige, sjølv om det etter kvart har kome mykje kunnskap som viser at dei færraste sjølv kan velje kva storleik dei skal vere.

Mor til Selma sit i rullestol. Ho kan dermed risikere at andre antek at det er mykje ho ikkje kan, og ho kan dermed slite meir enn andre med å få jobb. Også Iben, storesøstera til Elias vil kunne møte fordommar fordi ho har Downs syndrom.

Det er fint å bruke desse teikningane til å minne om at alle menneske har lik verdi, og at korleis vi ser ut fortel veldig lite om kven vi er og kva vi kan.

Lag gjerne eigne historier eller spørsmål i tillegg til dei vi har lagt inn i kvar familie.

Ønskjer du å lære meir om temaet? Sjå lenkene under

Vi trur på ulike ting

«Barnehagen skal synliggjøre variasjoner i verdier, religion og livssyn.»

Dette materiellet er ikkje laga spesifikt med tanke på å lære om religionar, men nokre av familiane har kjenneteikn som kan tyde på at dei har ei tru. Bildet kan difor også brukast til å snakke om at det finnast mange ulike religionar og livssyn. Mange familiar har ei religiøs tru, og nokre familiar har fleire. I Noreg får alle velje heilt fritt kva dei vil tru på. Barn kan tru på det same som foreldra, men dei må ikkje. Ingen kan tvinge nokon til å tru på noko dei ikkje trur på.

Ulike religionar har ulike tradisjonar og ritual, ulike merkedagar, og ulike samlingsstadar. Det kan vere fint å lære om dei ulike religionane som er representert i barnehagen i forbindelse med religiøse høgtider til dømes.

Om de vil bruke familievegg-bildet til å snakke om mangfald i religion foreslår vi at de ser på teikningane og snakkar om at

Mor til Alma har på seg eit kors noko som kan tyde på at ho er kristen
Mor til Noor har på seg hijab, som tyder på at ho er muslim
Arjun sin familie er frå India og kan til dømes vere hinduistar?
William si mor er frå Thailand og kan vere buddhist?

I tillegg kan de jo finne på at:

Familien til Noah er pinsevennar?
Familien til Amira er katolikkar?
Mor til Selma er jødisk?
Familien til Liam er med i humanetisk forbund?
Og kanskje dei andre ikkje høyrer til nokon religion eller livvsyn i det heile tatt?

Ønskjer du å lære meir om temaet? Sjå lenkene under

Vi har eit norsk urfolk

«Barnehagen skal synliggjøre samisk kultur og bidra til at barna kan utvikle respekt og fellesskapsfølelse for det samiske mangfoldet.»

Vi har inkludert ein samisk familie på familieveggen. Det er ikkje det heilt store bidraget for å jobbe med samisk kultur, men kanskje er det ei hjelp for å huske på det samiske mangfaldet andre delar av året enn ved samane sin nasjonaldag 6. februar?

Udir har samla mange digitale ressursar som kan brukast for å jobbe med dette i barnehagen: Samisk i barnehagen (udir.no)

Sjå også gjerne på denne: Joik i barnehagen | Nasjonalt senter for kunst og kultur i opplæringen (kunstkultursenteret.no)

Sist endra 09.08.2024 10.12